Kanpo-kontrola – Eraberritze-proiektua eta eraikin amaitua
Txekalden Kanpo-kontroleko lanak ere egiten ditugu.
ECCE (Eraikuntzaren Kalitatea Kontrolatzeko Erakundea) gisa, proiektuen kalitatea egiaztatzen dugu, ezarritako araudiak eta estandarrak betetzen dituztela ziurtatuz, eta, aldi berean, metodologia behar bezala aplikatzen dela eta datuak egiazkoak direla ziurtatuz.
Euskadin, Eraginkortasun Energetikoaren Ziurtagiri batean energia primario ez-berriztagarriaren kontsumoan lortutako kalifikazioa A, B edo C denean, nahitaezkoa da kanpo-kontrol hori pasatzea, eta gure lana lortutako ziurtagiri energetikoaren kalitatea bermatzea da.
Kasu honetan, kanpoko 2 kontrol-lanen adibidea dakarkizuegu. Batetik, lehendik dagoen biltegiaren erabilera etxebizitzara aldatzeko eta eraberritzeko proiektu bat egin da, eta, bestetik, lehendik dagoen bizitegi-eraikinaren birgaitze sakona.
Bi kasuetan, eraikina bisitatzen hasi ginen, neurriak eta oharrak hartzeko.
- Egiten ditugun zereginen artean daude:
- Begizko ikuskapena
- Oinplanoko banaketa-krokisaren neurketak egiaztatzea
- Itxituren eta baoen elementuak egiaztatzea
- Bero-igorgailuen mota egiaztatzea
- Beroa sortzeko tresneria mota egiaztatzea
Jarraian, informazio hori banakatuko dugu, azken txostenean sartu ahal izateko, eta konpondu beharreko puntuak planteatuko ditugu, baldin badaude.
Azkenik, bezeroari eman beharreko txostena egiten dugu, eta hura sinatzen da, egindako Eraginkortasun Energetikoaren Ziurtagirian lortutako kalifikazioarekiko adostasuna egiaztatzeko.
Kanpoko kontrol bat pasatu behar duzu zure Eraginkortasun Energetikoaren Ziurtagiria lortzeko?
Jarri gurekin harremanetan eta ekin lanari!
