Auditoretza energetikoa – Arritxulo aterpetxea – Oiartzun
OIARTZUNGO UDALA
Helburua:
Helburu nagusia zentroaren
azterketa energetikoa eta energia aurrezteko eta eraginkortasunez erabiltzeko potentziala zehaztea izan da, teknikoki eta ekonomikoki bideragarriak diren neurriak eta ekintzak aplikatuz.
Erabilitako metodologiak auditoretza batek izan behar dituen betekizunei buruzko UNE 16247 arauaren irizpideak eta metodologia biltzen ditu, bai eta auditoretza energetikoei buruzko 56/2016 Errege Dekretuan definitutakoak ere.
Hasteko,
egoera energetikoa aztertuko dugu, zentrora egindako bisitan lortutako datuak eta arduradunek emandakoak kontuan hartuta.
Beharrezko
kalkuluak egin eta lortutako emaitzak aztertu ondoren, eraikinaren energia-kontsumoa murrizteko eta, batzuetan, zerbitzuen kalitatea hobetzeko
zenbait neurri proposatzen dira.
Kasu honetan, elektrizitatea ekoizteko hiru iturri dituen zentro isolatua da.
Hornidura elektrikorik ez dutenez eta erabat autokontsumorako direnez, kontrol-doitasuna are gehiago hobetzera eta, ahal bada, kontsumoa murriztera bideratuta daude neurriak.
Proposatutako edo planteatutako
neurriak honako hauek izan dira:
– Jarraipena eta kontrola. Kontagailu partzialak
Hiru instalazioetan kontagailu partzialak instalatzea eta koadro orokorra monitorizatzea planteatzen da, ordutegi-kontsumoak lortzeko eta bat-bateko potentzia-gehikuntzak detektatu ahal izateko.
– Autokontsumorako FV instalazioa berritzea/handitzea
– Zerbitzuak murriztea
Haren zerbitzuren bat murriztea planteatzen da, kontsumo txikiagoa lortzeko. Zerbitzuei dagokienez sendotutako zentroa denez, ez da uste hobekuntza hori egin daitekeenik.
Era berean, beste gomendio batzuk egiten dira, hala nola mantentze-lanetako langileei eta teknikariei prestakuntza ematea edo kontsigna-tenperatura erregularizatzea, gizarte iraunkorra eraikitzeko helburuarekin.
