Auditoretza energetikoa – eraikin publikoak – OIARTZUN
BEZEROA: OIARTZUNGO UDALA
EGOERA: Amaituta
Oiartzungo Udalak eraikin publikoetan
Energia Auditoretzak egitea bultzatuko du, Udalak bere Energia eta Klima Planaren bidez 4/2019 Legearen helburuak lortzeko ezarritako ibilbide-orrian jarraitzeko.
Udalerriko
7 eraikin publikoren energia-auditoria egiten da.
– Urmendi Haurreskola
– Elizalde Herri eskola
– Udala
– Liburutegia
– Landetxe
– Fermiñene
– Elorsoro kiroldegia
Horietan guztietan energia-auditoria baten ohiko urratsak jarraitu dira, hala nola instalazioak bisitatzea, hasierako datuak biltzea, zentroen energia-egoera, kontsumo-datuak…
Bildutako informazioarekin, kontsumoaren kalkuluak eta banaketa egiten dira, kontsumo handiena non kontzentratzen den ikusteko eta egin daitezkeen hobekuntzak zehaztu ahal izateko.
Hobekuntza horiek identifikatu ondoren, hainbat neurri proposatzen dira, alde batetik, Euskadiko jasangarritasun energetikoari buruzko 4/2019 Legea betetzea lortzeko, eta, bestetik, ekipoen aurrezpen eta efizientzia energetikoa lortzeko.
Gogoratu Legeak 2030erako ezartzen dituen helburuak:
- Lehen mailako kontsumoa % 35 murriztea
- Iturri berriztagarrien erabilera: % 32
- B kalifikazio energetikoa edo handiagoa: % 40
Proposatutako hobekuntzen artean, 7 eraikinetatik 5etan errepikatzen dena eguzki-energia fotovoltaikoaren instalazioa da. Eraikin guztien artean erabilera partekatua proposatzen da, horietako baten estalkian instalazioa finkatuz.
Eta
proposatu ziren gainerako neurriak honako hauek izan ziren:
– Hornidura elektrikoen kontratuetan berriz negoziatzea. Bai baldintza ekonomikoak, bai potentzia-doikuntzak edo energia erreaktiboagatiko penalizazioa ezabatzea
– Dagoen argiztapenaren ordez, LED teknologia eta kudeaketa-sistemak jartzea.
– Galdara estankoaren ordez kondentsazio-galdara jartzea
– Erradiadoreetan balbula termostatikoak instalatzea
– Autokontsumorako eguzki-instalazio fotovoltaikoa
– Berokuntza-sistema bero-ponpa aerotermikoarekin ordeztea
– Leihoak ordeztea
– Kiroldegiko termetarako estalki atzeragarria
